გერმანიის საელჩოს საქართველოში განცხადებას,გერმანიის განათლებისა და კვლევის ფედერალური სამინისტროს (BMBF), თანამშრომლობის შეჩერებაზე საქართველოსთან, განათლებისა და მეცნიერების მინისტრი ალექსანდრე წულაია გამოეხმაურა. წულაიამ ჟურნალისტებთან განაცხადა, რომ აღნიშნული გადაწყვეტილება არ ვრცელდება სტუდენტთა, მკვლევართა და აკადემიური პერსონალის გაცვლით პროგრამებზე, ერთობლივ კვლევით პროექტებსა და სასტიპენდიო პროგრამებზე, მათ შორის, არც Erasmus+-ისა და DAAD-ის პროგრამებზე.

"თავად ევროკავშირის წარმომადგენლების მიერ გავრცელებული განცხადებით დასტურდება, რომ აღნიშნული გადაწყვეტილება არ ვრცელდება სტუდენტთა, მკვლევართა და აკადემიური პერსონალის გაცვლით პროგრამებზე, ერთობლივ კვლევით პროექტებსა და სასტიპენდიო პროგრამებზე, მათ შორის, არც Erasmus+-ისა და DAAD-ის პროგრამებზე," - აცხადებს საქართველოს განათლების, მეცნიერებისა და ახალგაზრდობის მინისტრი ალექსანდრე წულაძე.

მინისტრმა ასევე ხაზი გაუსვა, რომ გერმანიის საელჩოს ეს განცხადება მხოლოდ საქართველოს განათლების, მეცნიერებისა და ახალგაზრდობის სამინისტროსა და გერმანიის განათლებისა და კვლევის ფედერალურ სამინისტროს სამომავლო თანამშრომლობას ეხება და ასევე დასძინა, რომ მისთვის გამაოგნებელია ამ გადაწყვეტილების მიმღები პირების პოლიტიკური მიზნები და ინტერესები.

"ხაზგასმით მსურს კიდევ ერთხელ აღვნიშნო, განცხადება ეხება მხოლოდ და მხოლოდ ორი უწყების – საქართველოს განათლების, მეცნიერებისა და ახალგაზრდობის სამინისტროსა და გერმანიის განათლებისა და კვლევის ფედერალურ სამინისტროს შორის სამომავლო თანამშრომლობის დროებით შეჩერებას.

აქვე დავამატებ, რომ პირადად ჩემთვის გამაოგნებელია ამ პირების პოლიტიკური მიზნები და ინტერესები, რაზეც მოგვიანებით ვისაუბრებთ“, - განაცხადა ალექსანდრე წულაძემ.

შეგახსენებთ, 28 თებერვალს გერმანიის საელჩო საქართველოში განცხადება გაავრცელა სადაც წერს, რომ, როგორც ევროპული გზიდან გადახვევის შედეგი, გერმანიის განათლებისა და კვლევის ფედერალური სამინისტრო (BMBF), ამ ეტაპზე, აჩერებს თანამშრომლობას საქართველოს განათლების, მეცნიერებისა და ახალგაზრდობის სამინისტროსთან, ასევე საქართველოს სხვა უწყებებთან.

ასევე იხილეთ:

გერმანიის საელჩო საქართველოსთან სამეცნიერო თანამშრომლობასთან დაკავშირებით განცხადებას ავრცელებს

შეგახსენებთ, რომ საქართველოში გერმანიის ელჩმა, პეტერ ფიშერმა სოციალურ ქსელში დაწერა, რომ "გერმანიის განათლებისა და კვლევის ფედერალურმა სამინისტრომ გერმანულ-ქართული სამეცნიერო თანამშრომლობის განვითარება შეაჩერა, მათ შორის სტუდენტთა მობილობა, კვლევა და საქართველოს მონაწილეობა ევროკავშირის პროგრამებში — საქართველოს მიერ აკადემიური თავისუფლების შეზღუდვისა და ევროკავშირში გაწევრიანების შეჩერების გამო.

პეტერ ფიშერი: BMBF-მა გერმანულ-ქართული სამეცნიერო თანამშრომლობა შეაჩერა — სტუდენტთა მობილობა, კვლევა და საქართველოს მონაწილეობა ევროკავშირის პროგრამებში

ელჩის განცხადებას საქართველოს განათლების და მეცნიერების მინისტრი ალექსანდრე წულაძე გამოეხმაურა. მისი თქმით, ეს ინფორმაცია არ ეხება არც ერთ მიმდინარე პროექტს და მასში სამომავლო თანამშრომლობაზეა საუბარი.

ალექსანდრე წულაძე: აქამდე არსებულ და მიმდინარე არც ერთ პროექტს საფრთხე არ ემუქრება, მათ შორის, არც DAAD-ის პროგრამას

მოგვიანებით კი გერმანიის განათლებისა და კვლევის მინისტრი ჩემ ოზდემირი საქართველოს განათლებისა და კულტურის მინისტრ ალექსანდრე წულაძისთვის მიწერილ წერილში იმ მიზეზებს განმარტავს, რის გამოც გერმანია საქართველოსთან სამეცნიერო თანამშრომლობას აჩერებს.

ოზდემირმის თქმით, გერმანიამ ეს გადაწყვეტილება ქართული ოცნების მიერ ევროკავშირში გაწევრიანების პროცესის 4 წლით შეჩერების და საქართველოში მზარდი აკადემიური შეზღუდვების გამო მიიღო.

გერმანიის განათლების და კვლევის მინისტრი ქართველ კოლეგას პასუხობს