11 ივნისს საოკუპაციო ხაზთან, სოფელ ბურშუეთში ე.წ. მესაზღვრეების მიერ დაკავებული მამა-შვილი ზაუტაშვილები გაათავისუფლეს. ინფორმაცია ამის შესახებ On.ge-ს სახელმწიფო უსაფრთხოების სამსახურში დაუდასტურეს.

როინ ზაუტაშვილის განმარტებით, მამასთან ერთად საქონელს სოფლის ტერიტორიაზე მწყემსავდა და ე.წ. საზღვარი კი არ გადაუკვეთავთ:

"რუსები იყვნენ ოთხივე. 3 შეიარაღებული იყო, 1 უიარაღოდ. მხარზე მომავლო ხელი და ჩქარა წამოდიო. სამხედრო ბაზაზე წაგვიყვანეს. ერთ ოთახში გაგვაჩერეს ნახევარი საათი და მერე დაკითხვები დაგვიწყეს. სასამართლო ჩაგვიტარეს, ორ-ორი ათასი ჯარიმა გადაგვახდევინეს და გამოგვიშვეს".

როინ და გიორგი ზაუტაშვილები 11 ივნისს საოკუპაციო ხაზთან საზღვრის უკანონო კვეთის ბრალდებით დააკავეს.

საზღვრის უკანონო კვეთის ბრალდებით ე.წ. მესაზღვრეებმა 2 პირი დააკავეს