NATO-ს გენერალურმა მდივანმა, მარკ რუტემ, სლოვაკეთის პრეზიდენტთან ერთად გამართულ პრესკონფერენციაზე ისაუბრა გამოწვევებზე, რომელიც ჩრდილოატლანტიკური ალიანსის წინაშე დგას. ერთ-ერთი მთავარი თემა ალიანსის წევრი ევროპული სახელმწიფოების თავდაცვის ხარჯების ზრდა იყო. რუტემ განაცხადა, რომ კონტაქტი აქვს ყველა იმ ქვეყნის ლიდერთან, რომელთაც ხარჯები მთლიანი შიდა პროდუქტის 2%-მდე ჯერ არ მიუყვანიათ.

"მათ აქტიურად და ინტენსიურად ვესაუბრები, რათა დავრწმუნდე, რომ დაჩქარდებიან და 2%-ს მიაღწევენ. ვფიქრობ, ყველა მათგანმა ეს შემდეგ ზაფხულამდე უნდა გააკეთოს.

და მათ ვეუბნები: ჩემს სატელეფონო ზარებზე თუ არ რეაგირებთ, შეიძლება სატელეფონო ზარები მიიღოთ ძალიან სასიამოვნო კაცისგან ვაშინგტონიდან, რომელსაც, ასე ვთქვათ, მეტი დროის შეზღუდვა აქვს იმაზე, თუ რისი მიღწევა სურს.

ასე რომ, ჩემგან თუ არა, მათ შეიძლება სატელეფონო ზარები სხვა ვინმესგან მიიღონ. ჩვენ ყველამ ნამდვილად უნდა მივაღწიოთ 2%-ს, ეს საკვანძოა", — განაცხადა რუტემ.