უკრაინის პრეზიდენტ ვოლოდიმირ ზელენსკის განცხადებით, არაფერი იცოდა შეხვედრაზე, რომელიც 18 თებერვალს საუდის არაბეთში აშშ-ისა და რუსეთის ფედერაციის წარმომადგენლებს შორის უნდა გაიმართოს უკრაინაში რუსეთის აგრესიის შეწყვეტასთან დაკავშირებით. ზელენსკის თქმით, უკრაინის ჩართულობის გარეშე მიღწეული ნებისმიერი შეთანხმება უშედეგო იქნება.

"უკრაინა მონაწილეობას არ მიიღებს. ამის შესახებ არაფერი ვიცოდით. უკრაინა უკრაინის შესახებ უკრაინის გარეშე ნებისმიერ მოლაპარაკებას უშედეგოდ მიიჩნევს. ვერ ვაღიარებთ ვერანაირ შეთანხმებას ჩვენს გარეშე. ჩვენ არ ვაღიარებთ ასეთ შეთანხმებებს", — აღნიშნა ზელენსკიმ.

ინფორმაციისთვის, საინფორმაციო სააგენტო Axios წყაროზე დაყრდნობით წერდა, რომ აშშ-ისა და რუსეთის ოფიციალური პირების პირველი შეხვედრა უკრაინის ომის დასრულებასთან დაკავშირებით, საუდის არაბეთში 18 თებერვალს გაიმართება — ინფორმაცია დაადასტურეს როგორც აშშ-ის, ისე რუსეთის წარმომადგენლებმა.

ასევე იხილეთ: Axios: უკრაინის ომთან დაკავშირებით რუსეთი და აშშ პირველ შეხვედრას საუდის არაბეთში 18 თებერვალს გამართავენ