დღეს საქართველოს მე-5 პრეზიდენტი სალომე ზურაბიშვილი მიუნხენის უსაფრთხოების კონფერენციის ფარგლებში, ორმხრივ შეხვედრებს გამართავს და ლიეტუვისა და ლატვიის პრეზიდენტებს შეხვდება.

დღესვე გაიმართება პანელური დისკუსია "საქართველო ყურადღების ცენტრში", სადაც პრეზიდენტი ქვეყანაში არსებულ მდგომარეობასა და გამოწვევებზე ისაუბრებს. დღესვე სალომე ზურაბიშვილი შეხვდება ევროპოლის აღმასრულებელ დირექტორს, კეტრინ დე ბოლს.

"ჩამოვედი მიუნხენში უსაფრთხოების კონფერენციაზე დასასწრებად. წინ მნიშვნელოვანი განხილვებია საქართველოს ევროპულ მომავალსა და უსაფრთხოებაზე", — წერს სალომე ზურაბიშვილი X-ზე.