NATO-ს გენერალურმა მდივანმა, მარკ რუტემ, თავდაცვის მინისტრების შეხვედრამდე გამართულ პრესკონფერენციაზე საქართველოში მიმდინარე მოვლენების შესახებ დასმულ კითხვას უპასუხა. მისი თქმით, ორგანიზაცია ახლოდან აკვირდება ქვეყანაში მიმდინარე მოვლენებს და შეშფოთებულია.

"აქამდე უკვე გავაკეთე კომენტარი საქართველოს არჩევნების შედეგებზე და ასევე ჩვენს სურვილზე, რომ საქართველო დარჩეს ნატოსა და ევროკავშირისკენ გზაზე, დემოკრატიის, კანონის უზენაესობისა და ადამიანის უფლებების ჩვენს ღირებულებებთან თანხვედრაში.

მაგრამ, ვფიქრობ, თავი უნდა შევიკავო ყოველ ჯერზე ამის გამეორებისგან, ვინაიდან, უკვე გავაკეთე [კომენტარი] და, რა თქმა უნდა, ჩვენ ახლოდან ვაკვირდებით იმას, რაც ხდება საქართველოში, გარკვეული შეშფოთებით, შეგიძლიათ დარწმუნებულები იყოთ", — განაცხადა მარკ რუტემ.