დღეს 6-საათიანი "მოამბის" გამოშვება მაია ჭუჭულაშვილს მიჰყავდა — პროდიუსერს, რომელმაც ვასილ ივანოვ-ჩიქოვანთან მუშაობაზე უარი განაცხადა.

თავად ვასილ ივანოვ-ჩიქოვანი, რომელსაც საზოგადოებრივი მაუწყებლის 6-საათიანი "მოამბე" მიჰყავდა, 4 თებერვალს საქმიანობას "დროებით" ჩამოაშორეს, რის მიზეზადაც განუცხადეს, რომ პროდიუსერებმა მასთან მუშაობაზე უარი თქვეს.

მაია ჭუჭულაშვილამდე, 4 თებერვლის შემდეგ, საინფორმაციო გამოშვება სხვა წამყვანებს, მარიამ ვაშაძეს, შემდეგ კი ლიზა წიკლაურს მიჰყავდათ.

ვასილ ივანოვ-ჩიქოვანი საჯაროდ აკრიტიკებდა პირველ არხს და ბათუმელებისა და ნეტგაზეთის უკანონოდ დაკავებულ დამფუძნებელ მზია ამაღლობელს უწყვეტად უცხადებდა სოლიდარობას. საზოგადოებრივი მაუწყებლის სამეურვეო საბჭოს სხდომაზე "მოამბის" პროდიუსერებმა ივანოვ-ჩიქოვანს ბოიკოტი გამოუცხადეს, რაც, საბოლოოდ, იქცა მისი წამყვანობიდან ჩამოშორების მიზეზად.

ასევე იხილეთ: ვასილ ივანოვ-ჩიქოვანი "მოამბის" 6-საათიანი გამოშვების წამყვანი აღარ არის