ნარკოდანაშაულში ბრალდებულ 22 წლის თედო აბრამოვის საქმეზე თბილისის საქალაქო სასამართლოში სხდომა მიმდინარეობს. თედო აბრამოვი ბრალს არ აღიარებს. ადვოკატ ინგა ჯაბანიშვილის თქმით, ბრალდებულს ნარკოტიკული საშუალება არ ჰქონია.

პროკურორი ნუგზარ ჭიტაძე ჟურნალისტებთან აცხადებს, რომ კონფიდენციალური წყაროსგან მიიღეს ინფორმაცია იმის შესახებ, რომ თევდორე აბრამოვს ნარკოტიკული

საშუალება ჰქონდა და კონკრეტულ ადგილზე გადაადგილდებოდა. სწორედ ამიტომ ჩატარდა 7 დეკემბერს ჩხრეკა.

"თევდორე აბრამოვის პირადი ჩხრეკა ჩაუტარდა 2024 წლის 7 დეკემბერს. სისხლის სამართლის საქმეზე იქნა მიღებული ინფორმაცია, რომ თევდორე აბრამოვს პირადად უნდა ჰქონოდა ნარკოტიკული საშუალება და გადაადგილდებოდა კონკრეტულ ადგილზე. აღნიშნული ქმნიდა ჩხრეკის გადაუდებლად ჩატარების აუცილებლობას, რადგან იყო საღამო საათები და შეიძლება ამას მამხილებელი საბუთებიო მოეშორებინა თავიდან. ეს ინფორმაცია მიღებული იქნა კონფიდენციალური წყაროსგან", — აცხადებს პროკურორი.

თედო აბრამოვს ბრალდება სისხლის სამართლის კოდექსის 260-ე მუხლის მე-6 ნაწილით მიმდინარეობს, რაც განსაკუთრებით დიდი ოდენობით ნარკოტიკული საშუალების შეძენა, შენახვა ტარებას გულისხმობს.

აღნიშნული ქმედება 8-დან 20 წლამდე ან უვადო თავისუფლების აღკვეთას ითვალისწინებს.