დღეს, 7 თებერვალს საზოგადოებრივ მაუწყებელთან მორიგი აქცია გაიმართა.

აქციის მონაწილეებმა სოლიდარობა გამოუცხადეს პროევროპულ აქციებზე დაკავებულ თანამოქალაქეებს და მათი დაუყოვნებლივ გათავისუფლება მოითხოვეს.

ისინი ასევე ითხოვენ საზოგადოებრივ მაუწყებელზე ეთერის გახსნასა და მენეჯმენტის გადადგომას.

აქციის მონაწილეები აპროტესტებენ მაუწყებლის სარედაქციო პოლიტიკას, მათი თქმით, ის არ გამოხატავს ხალხის ინტერესებს და მიკერძოებულია "ქართული ოცნების" სასარგებლოდ.

მაუწყებლის მენეჯმენტი და სამეურვეო საბჭოს ნაწილი აღნიშნულ აქციებს ზეწოლად აფასებს, ხოლო სარედაქციო პოლიტიკასთან დაკავშირებულ შენიშვნებს უსაფუძვლოს უწოდებს.

აქციის მონაწილეები საზოგადოებრივი მაუწყებლიდან ტრადიციულად რუსთაველის გამზირზე მარშით გადაინაცვლებენ.