პარლამენტის აპარატის უფროსად კახა ოქროჯანაშვილი დაინიშნა. მან ამ თანამდებობაზე ქეთევან კვინიკაძე შეცვალა. ეს უკანასკნელი ოცნების ხელისუფლების პრეზიდენტის, მიხეილ ყაველაშვილის არჩევის შემდეგ, ე.წ. პრეზიდენტის ადმინისტრაციის უფროსი გახდა.

კახა ოქროჯანაშვილი გასულ წლებში თავდაცვის მინისტრის მოადგილე, სახელმწიფო უსაფრთხოების საკითხებში პრემიერ-მინისტრის თანაშემწე და სახელმწიფო უსაფრთხოებისა და კრიზისების მართვის საბჭოს მდივნის მოადგილე იყო.