"თბილისი მოლთან" გამართული გუშინდელ აქციაზე დაკავებულებიდან ხუთს ჰოსპიტალიზაცია დასჭირდა.

რადიო თავისუფლების ცნობით, სხვადასხვა დაზიანებებით კლინიკაში გადაყვანილები არიან ზურაბ შონია, ლევან ობოლაძე, გედევან კუპრაძე, ლევან ასანიძე და გურამ კაპანაძე.

პოლიციასთან ჭყლეტაში მოხვდა სანდრო აბესაძე, რომელმაც აქციაზე გონება დაკარგა და ახლობლების ცნობით კლინიკაში გადაყვანა დასჭირდა.

გუშინდელ აქციაზე არაოფიციალური ცნობებით ოცზე მეტი დემონსტრანტი დააკავეს, მათ შორის იყვნენ პოლიტიკოსებიც.

"კოალიცია ცვლილებისთვის" ლიდერი ნიკა მელია, რომელიც ხელწერილის საფუძველზე გაათავისუფლეს, პოლიციის მხრიდან ძალადობაზე საუბრობს.

ძალადობაზე საუბრობენ სხვა დაკავებულთა ადვოკატები და მეგობრები.

"ტვ პირველის" მიერ გავრცელებულ კადრებში ჩანს გდდ-ს დირექტორი ზვიად ხარაზიშვილი (ხარება), როგორ უსწორდება ერთ-ერთ დაკავებულ აქციის მონაწილეს.

ასევე წაიკითხეთ:

საია: ვითხოვთ, ზვიად ხარაზიშვილის (ხარებას) მიმართ დაიწყოს სისხლის სამართლებრივი დევნა და შეუჩერდეს უფლებამოსილება

ომბუდსმენი მოუწოდებს სპეციალურ საგამოძიებო სამსახურს, დაუყოვნებლივ დაიწყოს გამოძიება "თბილისი მოლთან" დაკავებებისას მომხდარ ძალადობრივ ფაქტებზე

თბილისი მოლთან მიმდინარე საპროტესტო აქციაზე "TV პირველის" ოპერატორი დაშავდა