შსს-ს თანამშრომლებმა "დაიტოვეს" ადმინი ილია ღლონტი, სახლის ჩხრეკის შემდეგ, განყოფილებაში გადაიყვანეს. სადარბაზოდან გამოსვლისას მან პატარა კომენტარი გააკეთა. ილია ღლონტის თქმით, იგივე საქმეა, რაზეც 2024 წლის 4 დეკემბერს უკვე იყვნენ მის სახლში შესული შსს-ს წარმომადგენლები "ოღონდ ახლა განყოფილებაში გადაიყვანეს" და ეს ყველაფერი ხვალინდელ დაანონსებულ აქციას შეეხებოდა.

"ზუსტად იგივე საქმეა, ოღონდ ხელახლა დაიწყეს, როგორც ჩანს, ზუსტად იგივე გააკეთეს, ისევ ჩხრეკა, ოღონდ ახლა გადავყავარ განყოფილებაში. ვუკავშირებ იმას, რაც ხდება ქვეყანაში", — თქვა ილია ღლონტმა განყოფილებაში გადაყვანამდე.

შეგახსენებთ, რომ პირველად შსს-ს თანამშრომლებმა მის სახლში ჩხრეკა 2024 წლის 4 დეკემბერს ჩაატარეს. მაშინ გამოძიება ჯგუფური ძალადობის ორგანიზებისა და არეულობისკენ მოწოდებისთვის დაიწყო.

ამის პარალელურად ჩხრეკაა "დაიტოვეს" მეორე ადმინის, ნენსი ვოლანდის სახლში. გავრცელებული ინფორმაციით, აქტივისტი ისაკო დევიძე უკვე დააკავეს.

შსს-მ განცხადება გაავრცელა, სადაც წერია, რომ ჯგუფური ძალადობის ორგანიზებისა და ჯგუფური მოქმედების ორგანიზების ფაქტზე სამართალდამცველები თბილისის მასშტაბით, სხვადასხვა ლოკაციაზე, საგამოძიებო მოქმედებებს ატარებენ და ხორციელდება საქმესთან შემხებლობაში მყოფი პირების პირადი და სახლების ჩხრეკა.

შსს-მ გამოძიება ორი — სისხლის სამართლის კოდექსის 225-ე და 226-ე მუხლებით დაიწყო, რაც ჯგუფური ძალადობის ორგანიზებას, ხელმძღვანელობას ან მასში მონაწილეობას ასევე, ჯგუფური მოქმედების ორგანიზებას ან მასში აქტიური მონაწილეობას გულისხმობს, რომელიც არღვევს საზოგადოებრივ წესრიგს.