მედია ორგანიზაცია "ინტერპრესნიუსი" "ბათუმელების" და "ნეტგაზეთის" დამფუძნებელ, მზია ამაღლობელთან დაკავშირებით განცხადებას ავრცელებს. ამაღლობელი უკვე მე-16 დღეა შიმშილობს.

IPN-ი მოუწოდებს შესაბამის ორგანოებს, პერსონალის ჩართულობით, მკაცრ კონტროლზე აიყვანონ ამაღლობელის ჯანმრთელობის მდგომარეობა და ამის შესახებ ინფორმაცია მიაწოდონ საზოგადოებას.

"მოვუწოდებთ შესაბამის ორგანოებს, სამედიცინო პერსონალის ჩართულობით, მკაცრ კონტროლზე აიყვანონ მზია ამაღლობელის ჯანმრთელობის მდგომარეობა და ამის შესახებ ინფორმაცია მიაწოდონ საზოგადოებას.

მიგვაჩნია, რომ მზია ამაღლობელისთვის წინასწარი პატიმრობის შეფარდება არაპროპორციული და უსამართლოა.

სოლიდარობა მზია ამაღლობელს!", — წერს ინტერპრესნიუსი.