ჟურნალისტი ნიკა კაცია თბილისის საქალაქო სასამართლოს მოსამართლე ნინო თარაშვილმა პატიმრობაში დატოვა.

დღევანდელ სხდომაზე, მტკიცებულებების დასაშვებობაზე იმსჯელეს, ასევე გადაისინჯა აღკვეთის ღონისძიების სახით შეფარდებული პატიმრობაც.

მოსამართლემ აღკვეთის ღონისძიების - პატიმრობის შეცვლის შუამდგომლობა არ დააკმაყოფილა, ასევე არ დააკმაყოფილა პროკურორის აცილების შუამდგომლობაც. მოსამართლემ ბრალდების მხარის ყველა მტკიცებულება დასაშვებად ცნო. საქმე არსებითად განსახილველად სასამართლოს გადაეცა.

ნიკა კაცია ბრალს არ აღიარებს. დაცვის მხარე აცხადებს, რომ ჟურნალისტს მისი აქტიური სამოქალაქო პოზიციის გამო, ნარკოტიკი ჩაუდეს.

შეგახსენებთ, ჟურნალისტი ნიკა კაცია 7 დეკემბერს დააკავეს. მას სისხლის სამართლის კოდექსის 260-ე მუხლის მე-6 ნაწილს ედავებიან, რაც დიდი ოდენობით ნარკოტიკული საშუალებების უკანანო შეძენა-შენახვას გულისხმობს.

კაციას ბრალის დამტკიცების შემთხვევაში 8-დან 20-წლამდე ან უვადო პატიმრობა ემუქრება.