თბილისის სახელმწიფო უნივერსიტეტის საგამოცდო ცენტრი "მაისის სტუდენტურმა მოძრაობამ" დაიკავა, — სტუდენტებმა სოციალურ ქსელში საგანგებო ვიდეო მიმართვა გაავრცელეს.

სტუდენტები აქციაზე დაკავებული მოქალაქეების გათავისუფლებას, საერთო სტუდენტური საცხოვრებლის მშენებლობას, სტიპენდიის გაზრდასა და მაღალი გადასახადების გაუქმებას ითხოვენ.

"ვიკავებთ თსუ-ს საგამოცდო ცენტრს ცენტრალური ბიბლიოთეკის ბაზაზე. დღეს საუნივერსიტეტო ფუნქციონირება გადის საგამოცდო ცენტრზე. ქვეყანაში განვითარებული მოვლენების შედეგად, სტუდენტები მოწყდნენ საუნივერსიტეტო ცხოვრებას საგანმანათლებლო ბოიკოტის გამო, მაგრამ აკადემიური ცხოვრება სტუდენტების გარეშე გაგრძელდა. ამის მიზეზი არის სწორედ საუნივერსიტეტო პროცესის კვლავ ფუნქციონირება. რამაც ათასობით სტუდენტი დააყენა მაღალი გადასახადის კიდევ რამდენიმე წლით გაგრძელების წინაშე" — ამბობენ სტუდენტები