ევროპული საქართველო თვითმმართველობის არჩევნებზე თბილისის სიის პირველ ნომრად გოკა გაბაშვილს დაასახელებს. პარტიის ლიდერები ამომრჩევლებსა და მხარდამჭერებს 18:00 საათზე ავლაბარში, ჯორბენაძის ქუჩაზე შეხვდება, სადაც პარტიული სიის ფორმირების ინიციატივასაც გააცნობენ.

განცხადებაში ნათქვამია, რომ ევროპული საქართველო პირველად საქართველოში მიმართავს პარტიული სიის ფორმირების ღია წესს, რომელიც დაფუძნებულია ამომრჩევლის მხარდაჭერაზე:

"პარტიულ სიებში პირველი ნომრის შემდეგ განლაგდებიან მაჟორიტარი კანდიდატები მაჟორიტარული საარჩევნო ოლქის რიგითი ნომრის მიხედვით (გამონაკლისი დაიშვება გენდერული პრინციპის - ყოველ ათეულში მინიმუმ 3-3 გასხვავებული სქესის წარმომადგენელი - შენარჩუნების მიზნით). არჩევნების შემდეგ სიის გადანაწილება მოხდება ამომრჩევლის მხარდაჭერის კოეფიციენტის შესაბამისად".

მათი თქმით, ამ გზით საკრებულოში მოხვდება სიის პირველი ნომერი და საუკეთესო შედეგის მქონდე მაჟორიტარები.

ევროპული საქართველოს თბილისის მერის კანდიდატი ელენე ხოშტარიაა.