ლაშა გაბიტაშვილი, რომელსაც ივანიშვილის დეპუტატები, ირაკლი ზარქუა და ვიქტორ სანიკიძე თავს დაესხნენ, სავარაუდოდ, აბუ-დაბის იზოლატორიდან გამოუშვეს.

ინფორმაცია თავდაპირველად, გაბიტაშვილის მეგობრებზე დაყრდნობით, ჯგუფის "დაიტოვეს"
დამფუძნებელმა ნენსი ვოლანდმა გაავრცელა.

აბუ-დაბიში რადიო თავისუფლების წყაროს ცნობით, 16 იანვარს, თითქმის სამდღიანი გამოკითხვების დასრულების შემდეგ, ლაშა გაბიტაშვილთან ერთად პოლიციიდან გამოუშვეს "ქართული ოცნების" წარმომადგენლებიც, მათ შორის ვიქტორ სანიკიძე და ირაკლი ზარქუა, წყაროს ცნობით, ყველა მათგანი 14 იანვრის შემდეგ პოლიციაში იმყოფებოდა.

გამოცემის წყაროს ცნობითვე, ყველა მათგანი გამოშვებულია სასამართლო სხდომამდე, რომელიც მომდევნო კვირაში გაიმართება. მანამდე მათ არაბთა გაერთიანებული საამიროების დატოვება ეკრძალებათ.

13 იანვარს ბიძინა ივანიშვილის დეპუტატები ვიქტორ სანიკიძე და ირაკლი ზარქუა მოქალაქე ლაშა გაბიტაშვილს აბუ დაბიში, ერთ-ერთ სასტუმროში ფიზიკურად გაუსწორდნენ. დაპირისპირების ვიდეოები გაბიტაშვილმა საკუთარ Facebook-გვერდზე გამოაქვეყნა.