"გახარია — საქართველოსთვის", "ერთიანობა — ნაციონალური მოძრაობა", "ძლიერი საქართველო" და 11-12 იანვარს, ბათუმსა და თბილისში საპროტესტო აქციებისას დაკავებული მათი პარტიების წევრების გათავისუფლებას მოითხოვენ.

როგორც ცნობილია, დაკავებულთა შორის არიან "ერთიანობა — ნაციონალური მოძრაობის" ახალგაზრდული ორგანიზაციის წევრები: ტიტე გედენიძე, შაკო მაღრაძე და ბექა პაპაშვილი, ასევე კოალიცია ძლიერი საქართველოს წარმომადგენლები: ვაჟა დარჩია და ლუკა ნაცვლიშვილი და პარტია გახარია — საქართველოსთვის ახალგაზრდული ორგანიზაციის წევრები: მათე ცენტერაძე და ელიზბარ ჩხიკვაძე.

ნაციონალურ მოძრაობაში აცხადებენ, რომ ბიძინა ივანიშვილის უმთავრესი საყრდენი არის უსამართლო, დასანქცირებული მოსამართლეები, რომლებიც 19-20 წლის თავისუფლებისთვის მებრძოლ, პატრიოტ ახალგაზრდებს საპატიმროებში უშვებენ.

"გუშინ სწორედ მათ წინააღმდეგ მიმართულ მშვიდობიან აქციაზე დააკავეს "ერთიანი ნაციონალური მოძრაობის" ახალგაზრდული ორგანიზაციის წევრები სხვა პატრიოტ თანამბრძოლებთან ერთად. ჩვენ მოვითხოვთ იმ ადამიანების დაუყოვნებლივ გათავისუფლებას, რომლებიც სრულიად უკანონოდ დააპატიმრეს.
არავითარი კანონდარღვევა არ ყოფილა გუშინ მათი მხრიდან. მართლა სასაცილოა უკანონობაზე და კანონდარღვევაზე საუბარი იმ ე.წ. ხელისუფლების მხრიდან, რომელიც არ არის აღიარებული არავისგან, არც ქვეყნის შიგნით და არც ქვეყნის გარეთ. ბიჭებო, თქვენს გვერდით ვდგავართ, იყავით მაგრად. ეს უკანონობა ძალიან მალე დასრულდება. ჩვენს ქვეყანაში სამართალი იზეიმებს და ერთად ვიბრძოლებთ ჩვენი ქვეყნის ევროპული მომავლისთვის," — განაცხადა ჯაფარიძემ.

ოპოზიციონერი პოლიტიკოსები აღნიშნავენ, რომ კრიზისიდან ერთადერთი გამოსავალი არის ახალი არჩევნები და პოლიტპატიმრების დაუყოვნებლივ გათავისუფლება. კოალიცია ძლიერ საქართველოში ამბობენ, რომ დასავლელ პარტნიორებთან ინტენსიური მუშაობა მიდის.

"თორნიკე რიჟვაძეს, რომელიც რამდენიმე თვის განმავლობაში თუნდაც, ვერც კი ბედავდა, რომ "ქოცური" განცხადებები ეკეთებინა, მოუწევს პასუხისმგებლობის აღება. მოუწევს ასევე პასუხისმგებლობის აღება აჭარაში არსებულ ე.წ. ხარებებს — ბატონ ბესელიას და დგებუაძეს, რომლებიც რამდენიმე წლის განმავლობაში ატერორებენ არა მხოლოდ ბათუმის მოქალაქეებს, არამედ ბათუმში მყოფ სამართალდამცველ პირებს", — განაცხადა კოალიცია "ძლიერი საქართველოს" წევრმა ირაკლი კუპრაძემ.

გახარია — საქართველოსთვის პარტიის პოლიტიკური საბჭოს წევრის, ვიკა ფილფანის განცხადებით, მისი პარტიის მოთხოვნაა უკანონოდ დაკავებული ადამიანების გათავისუფლება და ხელახალი არჩევნების თარიღის გამოცხადება.

„უკვე თვეზე მეტია, რაც საქართველოს მოქალაქეები, ბათუმში, თბილისში და სხვა ქალაქებში, მშვიდობიანად აპროტესტებენ უსამართლობას. ქართველი ხალხის ერთიანობის შედეგად "ოცნების" არალეგიტიმურმა ხელისუფლებამ ვერ მოიპოვა აღიარება ვერც ქვეყნის შიგნით და ვერც ქვეყნის გარეთ. თუმცა, ამ საპროტესტო ტალღის საპასუხოდ რეჟიმი ყოველდღიურად მიმართავს უკანონო დაკავებებს. უდანაშაულო ადამიანები იქცნენ ტყვეებად, რადგან ოცნების“ არალეგიტიმური ხელისუფლება ცდილობს დაშინებით შეინარჩუნოს ძალაუფლება." — განაცხადა ფილფანმა.