ორშაბათს, ოტავაში გამართულ პრესკონფერენციაზე კანადის პრემიერმინისტრმა, ჯასტინ ტრუდომ განაცხადა, რომ მმართველი ლიბერალური პარტიის ლიდერის და პრემიერმინისტრის თანამდებობას ტოვებს, მაგრამ პოსტზე დარჩება მანამ, ვიდრე პარტია ახალ ლიდერს აირჩევს.

"მე ვაპირებ, დავტოვო პარტიის ლიდერისა და პრემიერმინისტრის პოსტი მას შემდეგ, რაც პარტია ახალ ლიდერს აირჩევს", — თქვა ტრუდომ.

The Globe and Mail წერს, რომ ტრუდომ კანადის გენერალურ გუბერნატორს მერი საიმონს (დანიშნული დიდი ბრიტანეთის დედოფლის მიერ) სთხოვა, არ დაითხოვოს პარლამენტი 24 მარტამდე, რაზეც იგი დათანხმდა.

ლიბერალური პარტია ახალ ლიდერს,სავარაუდოდ, უახლოეს ორ თვეში აირჩევს.