2025 წლის პირველი იანვრიდან, რუმინეთმა და ბულგარეთმა გააუქმეს სახმელეთო საზღვრის კონტროლი, რათა გახდნენ ევროკავშირის შენგენის თავისუფალი მოგზაურობის ზონის სრულუფლებიანი წევრები და შეუერთდნენ ქვეყნების გაფართოებულ ბლოკს, რომელთა მაცხოვრებლებს შეუძლიათ მგზავრობა პასპორტის შემოწმების გარეშე. ამის შესახებ Reuters წერს.

შუაღამის მოახლოებისას, ბულგარეთისა და რუმინეთის შინაგან საქმეთა მინისტრებმა სიმბოლურად აწიეს შლაგბაუმი მდინარე დუნაისთან არსებულ "მეგობრობის ხიდზე", სწორედ ამ დროს ბულგარეთის სასაზღვრო ქალაქ რუსეს მახლობლად, ცაზე ფეიერვერკი გაუშვეს.

ორ ქვეყანას შორის საჰაერო და საზღვაო მგზავრობისას შემოწმებები 2024 წლის მარტში გაუქმდა, მაგრამ სახმელეთო შემოწმებები გაგრძელდა მანამ, სანამ გასულ თვეში ავსტრიამ ვეტო არ მოხსნა.

სასაზღვრო შემოწმება საფრანგეთს, გერმანიას, ბელგიას, ნიდერლანდებსა და ლუქსემბურგს შორის პირველად 1985 წელს შეწყდა. შენგენის ზონა ახლა 25 ევროკავშირის წევრ ქვეყანას მოიცავს, მათ შორის ისლანდიას, ლიხტენშტაინს, ნორვეგიას და შვეიცარიას.