საქართველოს პრემიერ-მინისტრმა, გიორგი კვირიკაშვილმა მთავრობის სხდომაზე გამოთქვა ინიციატივა, რომ ბორჯომის სტიქიის დროს ჩართულ პირებს პრემიები დაურგიდეს:

"მინდა ფინანსთა მინისტრს დავავალო, პრემირების საკითხი უმოკლეს დროში გადაწყვიტოს. ვინც იყო ამ სტიქიის ლიკვიდაციაში ჩართული, მათ ნამდვილად ეკუთვნით წახალისება და ეს არის აბსოულუტურად ბუნებრივი".

პრემიერის თქმით, ასეთი გამოწვევისთვის ნებისმიერი ქვეყანა უნდა იყოს მზად და საჭიროა სისტემური ცვლილებები, ასევე, ინფრასტრუქტურის განახლება.

"ვფიქრობ, რომ საჭიროა შესაბამისი, ინფრასტრუქტურული აღჭურვილობის განახლება, მანქანების განახლება, ასევე არის აუცილებელი კრიზისების საბჭოს სტრუქტურის შესაბამისობაში ყოფნა ასეთი ტიპის გამოწვევებთან. წელსაც და მომავალი წლის ბიუჯეტშიც, საჭირო იქნება ამ რესურსის გათვალისწინება."

როგორც კვირიკაშვილი ამბობს, ბორჯომის ტყეში ხანძრის შედეგად, დაახლოებით, 200 ჰექტარი დაიწვა.

საგამოძიებო ჯგუფმა აი ფაქტმა საქართველოში მეხანძრეებისა და მაღალჩინოსნების ხელფასების შესახებ მასალა გამოაქვეყნა. ორგანიზაციის ინფორმაციით, მეხანძრის საშუალო ხელფასი თბილისში 800 ლარია, რეგიონში - 500.