საზოგადოებრივ მაუწყებლის შენობასთან პროტესტი გრძელდება. აქციის მონაწილეები პირველი არხის დღის ეთერი გახსნას და დირექტორის თინათინ ბერძენიშვილისა და არხის სამეურვეო საბჭოს თავმჯდომარის, ვასილ მაღლაფერიძის გადადგომას მოითხოვენ.

"გაიხსნას დღის ეთერი და საზოგადოებრივმა მაუწყებელმა დაიწყოს სრულფასოვანი ფუნქციონირება. გადადგნენ ამ მავნებლურ პოლიტიკაზე პასუხისმგებელი პირები ვასილ მაღლაფერიძე და თინათინ ბერძენიშვილი" — ამბობს აქციის მონაწილე.

23 დეკემბერს, საზოგადოებრივი მაუწყებლის თანამშრომლების ნაწილმა (79 თანამშრომელი) ტელევიზიის შენობასთან ბრიფინგზე, განცხადება წაიკითხეს და არხის მენეჯმენტს მოუწოდეს, "ამ კრიტიკულ დროს უპასუხოს საზოგადოების მოთხოვნას და გახსნას დღის სატელევიზიო ეთერი".