"ვადასტურებ რომ დავტოვე ტელეკომპანია მთავარი. არ ავხსნი როგორ მიყვარს ეს ტელეკომპანია. ჩემი დრო, ენერგია და სიყვარული მაქვს ჩადებული მასში", — ამის შესახებ სოციალურ ქსელში წამყვანი და პროდიუსერი ნანუკა ჟორჟოლიანი წერს. მისი თქმით, ეს გადაწყვეტილება არ უკავშირდება ტელეკომპანიაში არსებულ დავას მფლობელებს შორის.

"მეგობრებო, ვადასტურებ რომ დავტოვე ტელეკომპანია მთავარი.

არ ავხსნი როგორ მიყვარს ეს ტელეკომპანია. ჩემი დრო, ენერგია და სიყვარული მაქვს ჩადებული მასში.

როგორ მიყვარს იქ მომუშავე გმირები.

ეს ამბავი არ უკავშირდება ტელეკომპანიაში არსებულ დავას მფლობელებს შორის. როგორც იცით, ოქუაშვილმა მე დამასახელა დირექტორობის კანდიდატად, მაგრამ ჩემთვის უცნაური იყო ის, რომ ეს ამბავი ფეისბუქით გავიგე.

ანუ, ამ თემას ჩემი წამოსვლა არ დაუკავშიროთ. საბედნიეროდ ეს ამბავი მე არ მეხება. მე ორი წელია არ ვარ არხის თანამშრომელი. გარედან ვაწოდებდი პროდუქტს არხს.

მქონდა სხვა მიზეზები და ახლა არაა მასზე საუბრის დრო. ახლა მთავარია რა ხდება რუსთაველზე. მთელი ყურადღება, ენერგია ამ თემაზე უნდა დაიხარჯოს.

ახალ სეზონზე გავალთ ან ტვ პირველზე, ან ფორმულაზე. ორივესთან ვაწარმოებ მოლაპარაკებას.

პ.ს. რა ვაპირებდი ამ თემაზე საუბარს. უბრალოდ დაიწერა და სხვა გზა არ მქონდა", — წერს ის სოციალურ ქსელში.