დღეს, 25 დეკემბერს, ყაზახეთში, ქალაქ აქთაუსთან მომხდარ ავიაკატასტროფას 25 ადმიანი გადაურჩა, რომელთაგან 22 ჰოსპიტალიზებულია.

ამის შესახებ ინფორმაციას ყაზახეთის საგანგებო სიტუაციების სამსახურის წინასწარი მონაცემებით ვიგებთ.

მათივე ინფორმაციით, თვითმფრინავში 67 ადამიანი იმყოფებოდა, მათ შორის ეკიპაჟის 5 წევრი.

ყაზახეთის ტრანსპორტის სამინისტროს წინასწარი მონაცემებით, მგზავრებს შორის 37 აზერბაიჯანის მოქალაქეა, 16 — რუსეთის, 6 — ყაზახეთის და 3 — ყირგიზეთის.

აზერბაიჯანის ავიაკომპანია Azerbaijan Airlines-ის თვითმფრინავი Embraer 190 ყაზახეთის ქალაქ აქთაუსთან ჩამოვარდა, მაშინ როდესაც ის ბაქო-გროზნოს რეისს ასრულებდა.

ჯერჯერობით უცნობია აღნიშნული კატასტროფის გამომწვევი მიზეზი, თუმცა ერთ-ერთ ვერსიად ფრინველებთან თვითმფრინავის შეჯახება განიხილება.