ისრაელის ზოოპარკში მყოფმა მაიმუნმა, სახელად ნივმა, რომელმაც პარტნიორი ვერ იპოვა და თავის "საუკეთესო წლებსაც" გადააბიჯა, წიწილა იშვილა და მარტოობა ასე შეიმსუბუქა.

ის უკვე 2 კვირაა მოზრდილ წიწილას ეთამაშება, უვლის, ასუფთავებს. ზოოპარკის წარმომადგენლის თქმით, ის ასე გამოხატავს თავის დედობრივ ინსტინქტს.

წიწილას მარტივად შეუძლია გალიის დატოვება, გისოსებს შორის გაძრომით, მაგრამ ნივთან ყოფნას ამჯობინებს.

ზოოპარკის დირექტორის თქმით, ასეთი ურთიერთობები იშვიათია, რადგან მაიმუნები უმრავლეს შემთხვევაში კლავენ და ჭამენ წიწილებს.

ასეთი ტრაგიკული დასასრულის თავიდან ასაცილებლად, ზოოპარკის თანამშრომლებმა ნივი სხვა მაიმუნებს მოაშორეს და ახლა ის თავის მეგობართან მშვიდად ცხოვრობს.

"ღამით მათ ერთად სძინავთ. წიწილაც ძალიან ბედნიერი ჩანს", ამბობს ზოოპარკის დირექტორი.