პრორუსული და ძალადობრივი Facebook ჯგუფი "ანტი-მაიდანი" სოციალურ ქსელში აღარ იძებნება.

ძალადობრივი ჯგუფი "ანტი-მაიდანის" შექმნა 1-ელ დეკემბერს, პროევროპული აქციების პარალელურად დაანონსდა. ის სოციალური ქსელის მომხმარებელმა გიორგი ჭურღულიამ შექმნა. ერთ-ერთ პოსტში ის აღნიშნავს, რომ ჯგუფის საშუალებით უნდა ჩამოყალიბდეს “დიდი ძალა”, რომელიც მიზნად ისახავს ქვეყნის და სახელმწიფოს დაცვას. ის ასევე აღნიშნავს, რომ 2012 წლის შემდეგ სახელმწიფო მათ "ზურგზე დგას", ახლა კი აქციაზე მდგომი ხალხი “უბსკრულში” მიაქანებს.

ინფორმაციისთვის, პლატფორმაზე კვლავ იძებნება რამდენიმე დახურული (Private) სხვა ჯგუფი მსგავსი დასახელებით, თუმცა გამორჩეულად აქტიური საჯარო (Public) ჯგუფი აღარ იძებნება.