ახალციხეში, სოფელ სვირში ხანძრის ჩაქრობის პროცესში შინაგან საქმეთა სამინისტროს სასაზღვრო პოლიციის ვერტმფრენი ჩაერთო. ხანძარი მთის ფერდობზე, წიწვოვანი ტყის მასივში გაჩნდა.

შსს-ს ცნობით, სახანძრო-სამაშველო ოპერაციაში ათეულობით მეხანძრე და სასაზღვრო პოლიციის მფრინავები არიან ჩართულნი. ამ დროისთვის ხანძრის ფართო მასშტაბებზე გავრცელება არ დაფიქსირებულა.

სოფელ სვირში ხანძარი 28 აგვისტოს გაჩნდა.