ახალციხეში, სვირის ტყეში ხანძარია. საგანგებო სიტუაციების მართვის სამსახურის პრესსამსახურის ინფორმაციით, ხანძრის ჩაქრობა უკვე დაწყებულია.

უწყების პრესსამსახურში On.ge-ს განუცხადეს, რომ ამ ეტაპზე უცნობია რამხელა ტერიტორიაზეა ხანძარი გავრცელებული. მათივე ინფორმაციით, ამ ეტაპზე სახანძრო მანქანების ადგილზე მობილიზება ხდება.

ხანძრის შესახებ ინფორმაცია თავდაპირველად სამხრეთის კარიბჭემ გაავრცელა. გამოცემის ინფორმაციით, ტყეში ხანძარი ადგილობრივებმა დაახლოებით ერთი საათის წინ შენიშნეს.