ოპოზიციური პარტიების ლიდერებსა და საქართველოში ჩამოსულ ევროპარლამენტარებს შორის შეხვედრა დასრულდა.

შეხვედრაზე იმყოფებოდნენ შემდეგი ოპოზიციური პარტიების წარმომადგენლები: ერთიანობა-ნაციონალური მოძრაობა, კოალიცია ძლიერი საქართველო, კოალიცია ცვლილებისთვის და გახარია საქართველოსთვის.

ოპოზიცია სანქციების ამოქმედებას ითხოვს, შეზღუდვებს ყველა იმ პირის მიმართ, ვინც ქვეყნის ევროპული გზიდან გადახვევას ხელი შეუწყო და საკუთარი თანამოქალაქეების წამების ბრძანება გასცა.

მიმდინარე კვირაში ბრიუსელიდან მძიმე ცნობებს აანონსებს ევროკავშირის ელჩი საქართველოში პაველ ჰერჩინსკი.

"ჩვენ ძალიან ვართ შეშფოთებული საქართველოში არსებული მდგომარეობით, ევროკავშირის ინსტიტუციების ახალი ლიდერების ინიციატივაა, რომ შეწყდეს საუბარი და გადავიდეთ ქმედებებზე. ახლა ძალიან ინტენსიური მოლაპარაკებები მიმდინარეობს ბრიუსელში. რათა შეთანხმდეს სხვადასხვა ზომები... ყველა ვარიანტი განიხილება, მათ შორის, უვიზო რეჟიმის შეჩერება კონკრეტული პასპორტების მქონე პირებისთვის და რა თქმა უნდა, სანქციები", — აცხადებს ჰერჩინსკი.

ვიზიტის ფარგლებში, შეხვედრა ასევე დაგეგმილია პრეზიდენტთან, არასამთავრობო ორგანიზაციებთან და მედიასთან.