14 დეკემბერს, 13:00 საათზე, დედების მარში გაიმართება, ლოზუნგით — "ჩემი შვილია, ხელი გაუშვით".

გავრცელებული ინფორმაციით, დემონსტრანტები შეიკრიბებიან მეტრო რუსთაველის წინ და მსვლელობით პრეზიდენტის სასახლესთან მივლენ.

"ჩვენ, დედები და ბებიები, რომლებიც ყოველდღიურად ვხედავთ დე ფაქტო მთავრობის ძალადობას ჩვენს შვილებსა და შვილიშვილებზე, შევიკრიბოთ შაბათს, 14 დეკემბერს, 13 საათზე, მეტროსადგურ რუსთაველის წინ და გავმართოთ საპროტესტო მსვლელობა რუსთაველის გამზირის გავლით პრეზიდენტის სასახლისკენ.

ყველა ქალს, ვისთვისაც საკუთარი შვილებისა და ქვეყნის მომავალი მნიშვნელოვანია, მოგიწოდებთ, შემოუერთდეთ მსვლელობას.
ერთად დავიცვათ ჩვენი და მათი თავისუფლება!", — წერია გავრცელებულ განცხადებაში.