ტვ პირველის თანამშრომლებზე თავდასხმის ფაქტზე, სპეციალურმა საგამოძიებო სამსახურმა, საქართველოს სისხლის სამართლის კოდექსის 154-ე მუხლის მეორე ნაწილით გამოძიება დაიწყო.

"დანაშაულში მხილებული პირების დადგენის და დაკავების მიზნით ტარდება ყველა აუცილებელი საგამოძიებო და საპროცესო მოქმედება", — ნათქვამია გავრცელებულ განცხადებაში.

ცნობისთვის, ტვ პირველის ჟურნალისტ მაკა ჩიხლაძეს და ოპერატორს გიორგი შეწირულს, პირდაპირ ეთერში უცნობი, ნიღბიანი ადამიანები თავს დაესხნენ და ფიზიკურად გაუსწორდნენ.

ამჟამად, ტელეკომპანიის გადამღები ჯგუფის წევრები საავადმყოფოში არიან გადაყვანილი. როგორც ექიმები ამბობენ მათ სხეულის სხვადასხვა მიდამოებში აღენიშნებათ დაზიანებები და აქვთ ტვინის შერყევა.