"ტყუილი და ცინიზმი! თუ "ძალადობა შეჩერდა" ქუჩებში, რა არის დღევანდელი სასტიკის დარბევის მიზანი? დედისგან შვილის გატაცება? შურისძიება ქალებზე?", — წერს პრეზიდენტი სალომე ზურაბიშვილი X-ზე და ირაკლი კობახიძის განცხადებას აზიარებს, სადაც ის ამბობს, რომ ქუჩებში ძალადობა დასრულდა და იცინის.

კიდევ ერთი პოსტი პრეზიდენტმა Facebook-ში დაწერა. მისი თქმით, პოლიციამ და სპეცრაზმმა "გუშინ დაისვენა, დღეს გაიღიმა კობახიძემ და საღამოს ტერორი მოაწყვეს".

"გუშინ დაისვენეს, დღეს გაიღიმა კობახიძემ და საღამოს ტერორი მოაწყვეს!!!", — წერს პრეზიდენტი.

სპეცრაზმმა რუსთაველის გამზირზე აქციის დაშლა შუაღამის შემდეგ დაიწყო. აქციის დასაშლელად გამოიყენეს წყლის ჭავლი და სხვა სპეციალური საშუალებები. დააკავეს რამდენიმე პირი მათ შორის "კოალიცია ცვლილებისთვის" წევრი ცოტნე კობერიძე, რომელიც მოგვიანებით გაათავისუფლეს და მთავარი არხის ჟურნალისტი, ბექა ყორშია. დაკავებულთა რაოდენობის შესახებ ოფიციალური ინფორმაცია არ ვრცელდება.