"ოცნების" მერის, კახა კალაძის თქმით, "ნაძვის ხე დედაქალაქში, რა თქმა უნდა, დაიდგმება", ამის შესახებ მან მედიასთან საუბრისას განაცხადა, როდესაც მას დედაქალაქში საახალწლო ნაძვის ხის დადგმასთან დაკავშირებით გკთხეს.

"ქალაქი იქნება მორთული და პატარებს მიეცემათ შესაძლებლობა, თავიანთი სურვილები ჩაიფიქრონ", — ამბობს კალაძე.

ამასთან, მან აღნიშნა, რომ "რადიკალების" მიერ გაკეთებული გარკვეული განცხადებები, რომ ისინი "აპირებენ სხვადასხვა ქმედებებს" კატეგორიულად მიუღებელია და დასძინა, რომ "საახალწლო ნაძვის ხე ომის დროსაც იდგმება".

"საახალწლო თემას რაც შეეხება, რამდენიმე დღეში მოგაწვდით უკვე ზუსტ ინფორმაციას, როდის იქნება ნაძვის ხის ანთება. მას ძალიან ბევრი პატარა ელოდება. მე, ასევე, ვისმენ კონკრეტულ განცხადებებს საახალწლო ღონისძიებებთან დაკავშირებით იმ რადიკალების მხრიდან, რომ ისინი აპირებენ სხვადასხვა ქმედებას, რაც კატეგორიულად მიუღებელია. თქვენ წარმოიდგინეთ, ომის დროსაც კი იდგმება საახალწლო ნაძვის ხე იმისთვის, რომ ადამიანებს, პატარებს მაქსიმალურად შეუმსუბუქონ მდგომარეობა. ასეთი რამ უკრაინაშიც ბევრჯერ გვინახავს", — განაცხადა კახა კალაძემ.