სტრასბურგის ადამიანის უფლებათა სასამართლოში წარსადგენი მოსამართლეების შესარჩევმა კომისიამ ოთხ კანდიდატს დაუჭირა მხარი. მთავრობამ სასურველი ორ კანდიდატი ლალი ფაფიაშვილისგან, თამარ ალანიასგან, ოთარ სიჭინავასგან და იოსებ ბაჩიასვილისგან უნდა შეარჩიოს.

იოსებ ბაჩიაშვილი უზენაესი საარბიტრაჟო სასამართლოს ყოფილი თავმჯდომარეა, თამარ ალანია თბილისის სააპელაციო სასამართლოს მოსამართლე და იუსტიციის უმაღლესი სკოლის ტრენერია, ოთარ სიჭინავა თბილისის სააპელაციო სასამართლოს მოსამართლეა და ლალი ფაფიაშვილი საქართველოს საკონსტიტუციო სასამართლოს მოქმედი მოსამართლე.

ფაფიაშილითან ერთად საქართველოს საკონსტიტუციო სასამართლოს მოსამართლე იყო კონსტანტინე ვარძელაშვილი, თუმცა მან ხმების საჭირო რაოდენობა ვერ მოაგროვა. ხმების საჭირო რაოდენობა ვერ მიიღო ირაკლი ადეიშვილმაც, თბილისის საქალაქო სასამართლოსა და თბილისის სააპელაციო სასამართლოს ყოფილმა მოსამართლემ. კონკურსში მონაწილე კიდევ ერთ პირზე - ნინო ბაქაქურზე, საქართველოს უზენაესი სასამართლოს მოსამართლეზე კი გავრცელდა ინფორმაცია, რომ საკუთარი სურვილით აღარ იღებდა მონაწილეობას.

კომისიას, რომელლიც სტრასბურგის სასამართლოს მოსამართლეობის კანდიდატებს არჩევდა ბოიკოტი გამოუცხადა კოალიცია დამოუკიდებელი და გამჭვირვალე მართლმსაჯულებისთვის. კოალიციას მიაჩნია, რომ ხელისუფლების მიზანია წინასწარ განსაზღვრული კანდიდატების უპირობო მხარდაჭერა, რის გამოც აზრი ეკარგება მათ კომისიაში ჩართულობას.

მოქმედ ხელისუფლებას სტრასბურგში წარსადგენი მოსამართლეობის კანდიდატების შესარჩევად კონკურსის გამოცხადება მესამედ მოუწია. ხელისუფლების მიერ შერჩეული კანდიდატები სტრასბურგმა დაიწუნა. ბოლოს ხელისუფლებამ ლადო ჭანტურია, სოფიო ჯაფარიძე და შოთა გეწაძე შეარჩია, თუმცა სტრასბურგში მათგან მხოლოდ ერთი მოიწონეს. საქართველოს მთავრობასაც ორი კანდიდატის ხელახლა შესარჩევად მოუწია კონკურსის გამოცხადება.