მცხეთა-სტეფანწმინდა-ლარის 92-ე კილომეტრზე, გუდაურში ავტოსაგზაო შემთხვევის დროს სატვირთო გადაბრუნდა. შემთხვევის ამსახველი ფოტო ფეისბუკ მომხმარებელმა, ირაკლი დანელიამ დაახლოებით ერთი საათის წინ გაავრცელა.

შინაგან საქმეთა სამინისტროში ამბობენ, რომ შემთხვევის დროს ერთი ადამიანი დაშავდა, საქმეს კი სისხლის სამართლის კოდექსის 276-ე მუხლის პირველი ნაწილით იძიებენ. ამ მუხლით, ტრანსპორტის მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც გამოიწვია ჯანმრთელობის ნაკლებად მძიმე დაზიანება, ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით იმავე ვადით, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.