აქციაზე პიროტექნიკით პირველი არხის ოპერატორი, ბესო გაფრინდაშვილი დაშავდა. საზოგადოებრივი მაუწყებლის მიერ გავრცელებულ განცხადებაში აღნიშნულია, რომ მას აქციის ერთ-ერთმა მონაწილემ პიროტექნიკა დამიზნებით ესროლა.

პარლამენტთან მიმდინარე აქციაზე საპოლიციო ძალების დიდი რაოდენობაა მობილიზებული — ისინი დემონსტრანტების წინააღმდეგ იყენებენ წყლის ჭავლსა და გაზის კაფსულებს.

პოლიცია აქციის მონაწილეებს ფიზიკურად უსწორდება, მათ შორის დაკავების შემდეგაც. ამ ეტაპზე უცნობია, რამდენი ადამიანია დაკავებული საპროტესტო აქციაზე.