შინაგან საქმეთა სამინისტროში ამბობენ, რომ აქტივისტი დოდი ხარხელი დაკავებული არაა, გამოძიება ერთ-ერთ სისხლის სამართლის საქმეზე მიმდინარეობს. ინფორმაციას ტაბულა ავრცელებს.

"დაკავებული არაა, ერთ-ერთ სისხლის სამართლის საქმეზე მიმდინარეობს გამოძიება" — განაცხადეს შსს-ში.

უწყებაში არ აკონკრეტებენ რომელ სისხლის სამართლის საქმეზეა საუბარი და რას შეეხება ის.

აქტივისტი დოდი ხარხელი შსს-ს თანამშრომლებმა მაშინ დააკავეს, როცა მან მცირეწლოვანი შვილი საბავშვო ბაღში მიიყვანა. სოციალურ ქსელში ვრცელდება მისი დაკავების ვიდეო, სადაც პოლიციელი ეუბნება, რომ მოსამართლის განჩინების საფუძველზე უტარდება პირადი ჩხრეკა.

"რუსული ოცნება, რუსული ტერორი, მარტო იმიტომ, რომ აქციებზე ვდგავარ", – ამბობს დოდი ხარხელი დაკავებამდე.

დოდი ხარხელის სახლთან მობილიზებულია რამდენიმე ათეული შსს-ს თანამშრომელი და მოქალაქეები, რომლებიც მის დაკავებას აპროტესტებენ.

ამავე თემაზე: