რუსთაველის გამზირზე საპოლიციო ღონისძიებების დროს, სამართალდამცველების მიერ გაზის კაფსულის გამოყენების შემდეგ, საზოგადოებრივი მაუწყებლის გადამღები ჯგუფი დაშავდა.

ჟურნალისტ თეო ხუბულავას, ოპერატორებს ლევან ქართველიშვილსა და ბადრი გამრეკელაშვილს სამედიცინო დახმარება ადგილზე სასწრაფოს მედიკოსებმა აღმოუჩინეს.

ამ დროისთვის პირველი არხის გადამღები ჯგუფი თავს კარგად გრძნობს და აგრძელებს მუშაობას აქციიდან.