სირცხვილია, როცა ქვეყნის არალეგიტიმური პრემიერი ფარულად შედის საგარეო საქმეთა სამინისტროში ვითომც და თანამშრომლებთან შეხვედრისთვის!!!!, — ამის შესახებ სოციალურ ქსელში საქართველოს პრეზიდენტი სალომე ზურაბიშვილი წერს. მისი თქმით, ამ ყველაფერს მეტი პროტესტი უნდა მოჰყვეს.

"სირცხვილია როცა ქვეყნის არა ლეგიტიმური პრემიერი ფარულად შედის საგარეო საქმეთა სამინისტროში ვითომც და თანამშრომლებთან შეხვედრისთვის!!!! სირცხვილი იქნება თუ ამას არ მოყვება კიდევ მეტი პროტესტი იმათგან, ვისაც ევალება ქვეყნის საგარეო კურსის წარმოდგენა და დაცვა, როგორც ასახულია კონსტიტუციაში!!!", — წერს პრეზიდენტი. (სტილი დაცულია

დღეს ცნობილი გახდა, რომ "ოცნების" პრემიერი კობახიძე საგარეო საქმეთა სამინისტროში გეგმავდა ვიზიტს თანამშრომლებთან შესახვედრად.

ამის პარალელურად საგარეო უწყების შენობასთან მოქალაქეები არიან შეკრებილი და მხარდაჭერას უცხადებენ უწყების იმ თანამშრომლებს, რომლებიც ეწინააღმდეგებიან საქართველოს მთავრობის გადაწყვეტილებას ევროკავშირთან მოლაპარაკებების გახსნის გადადებასთან დაკავშირებით.