Bolt Food რჩეული გემოების სერიით დაბრუნდა და ამჯერად კადოს ისტორიას აცნობს აუდიტორიას.

აზიური სამზარეულო თავისი მრავალფეროვანი კერძებით, გემოებითა და არომატებით ქართველმა გურმანებმა დიდი ხანია, შეიყვარეს. აზიური კერძების მოყვარულები დაგვეთანხმებიან, რომ კადოს ერთხელ გასინჯვა საკმარისია იმისთვის, რომ კერძის გემო სამუდამოდ დაგამახსოვრდეს. სწორედ უგემრიელესი კადოებით გაითქვა სახელი ნაფარეულის 3ა-ში მდებარე აზიურმა რესტორანმა კადომ, რომლის შესახებაც მის წარმომადგენელსა და მზარეულს, ზურა ჭინჭარაშვილს გავესაუბრეთ.

ზურა გვიყვება, რომ კადოს გახსნის იდეა მის ერთ-ერთ ძმას სულ შემთხვევით გაუჩნდა, როცა მეგობრების შეკრებისას როლის ნაცვლად კადო მოამზადა. კერძის გემო ყველას იმდენად მოეწონა, რომ მალე იდეას ხორცი შეესხა და აზიური კერძების რესტორნად გადაიქცა.

კადო გურმანებმა 2018 წელს გაიცნეს. პანდემიის გამო რესტორანი დროებით დახურული იყო, თუმცა ამ წლის მარტში კადომ სტუმრების მასპინძლობა ახალი სივრცით, განახლებული მენიუთი და უცვლელი ენთუზიაზმით გააგრძელა.

კადო, როლები, სუში, საშიმი, ლაფშა — კადოში საყვარელ კერძს ნებისმიერი გემოვნების სტუმარი მარტივად იპოვის. რესტორანს უამრავი ერთგული მომხმარებელი ჰყავს, რადგან კადოში სისუფთავე და ხარისხი უმნიშვნელოვანესია.

ფოტო: Bolt Food

“ჩვენთვის პრიორიტეტი ხარისხია. პირადად ჩემთვის ორი რაღაც არის ყველაზე მნიშვნელოვანი: სისუფთავე და ხარისხი. პირველ ადგილზე სისუფთავეს ვაყენებ. შეიძლება ობიექტი არ მუშაობდეს ხარისხზე, მაგრამ სისუფთავის შენარჩუნებას წინ არაფერი არ უდგას“, — ამბობს ზურა.

ზურა იმასაც დასძენს, რომ მომხმარებელთან ურთიერთობაში გულწრფელობას გადამწყვეტი მნიშვნელობა აქვს. სარესტორნო სფეროს სხვა წარმომადგენლებსაც ურჩევს, სტუმრები არასდროს არ მოატყუონ.

“არასდროს არ მოატყუოთ მომხმარებელი. კერძებს მე თვითონ ვამზადებ და ეს ჩემთვის უდიდესი პასუხისმგებლობაა. ადამიანი, რომელიც კერძებს განდობს, არ უნდა დააღალატო. ჩემთვის არ ვიმზადებ ისე გულით, როგორც მომხმარებელს ვუკეთებ საჭმელს“, — გვიმხელს ზურა.

როგორც ყველა რესტორნისთვის, კადოსთვისაც უმნიშვნელოვანესია, რომ მათი კერძების დაგემოვნების შესაძლებლობა რაც შეიძლება მეტ ადამიანს ჰქონდეს. სწორედ ამიტომ თანამშრომლობს კადო Bolt Food-თან:

“Bolt Food ჩემთვის ყველაზე მოწესრიგებული კომპანიაა. ყველანაირად გვიწყობენ ხელს, რომ მომხმარებლებს გავაცნოთ ჩვენი კერძები.“

რაც შეეხება სამომავლო მიზნებს, კადოში იმედი აქვთ, რომ მალე მათი კერძების დაუვიწყარ გემოს მომხმარებლები არა მხოლოდ საქართველოში, არამედ საზღვარგარეთაც გაიცნობენ და შეიყვარებენ.

რჩეული გემოების სერიის რესტორნებს Bolt Food-ის აპლიკაციაში შეხვდებით. გადმოწერეთ აპლიკაცია და დააგემოვნეთ ქალაქის განსაკუთრებული კერძები.