ყაველაშვილი: ამაყი ვარ, რომ ასეთ რთულ ეპოქაში ბატონ ივანიშვილთან ერთად ვიცავ ქვეყანას

27 Nov. 2024, 12:03

მივესალმები სრულიად საქართველოს, პირველ რიგში, დავიწყებ მადლობით. განსაკუთრებული მადლობა ბატონ ბიძინა ივანიშვილს, ჩვენთვის საამაყო და გამორჩეულ პიროვნებას. ყოველთვის აღვნიშნავდი, რომ მე ამაყი და ბედნიერი ვარ, რომ ასეთ რთულ, გამოწვეულ ეპოქაში ჩვენი ქვეყნის დაცვა მიწევს ამ ადამიანთან ერთად და დიდი მადლობა იმისთვის, რომ ეს ნდობა, ასე ვთქვათ, მომანიჭა. ასევე, ჩემს თანამებრძოლებს, უმრავლესობას, უმრავლესობის თითოეულ წევრს, განსაკუთრებული მადლობა მათაც ამ ნდობის გამოცხადებისთვის.

რა თქმა უნდა, გათვითცნობიერებული მაქვს რაოდენ დიდი პასუხისმგებლობაა საქართველოს პრეზიდენტის თანამდებობა მით უმეტეს იმ ფონზე, როცა ჩვენდა სამწუხაროდ, მოქმედმა პრეზიდენტმა პირდაპირ შეურაცხყო და უგულებელყო ჩვენი მთავარი დოკუმენტი - საქართველოს კონსტიტუცია და დღესაც აგრძელებს მის დარღვევას. ეს იმ ფონზე, რომ სწორედ აქედან გამომდინარე ჩვენი საზოგადოება არის დაპირისპირებული, რადიკალიზაცია და პოლარიზაცია გაღვივებული, მით უმეტეს, იმ ფონზე, რომ ჩვენი არაკეთილმოსურნე "მეგობრები" ეხმარებიან, რომ ეს პროცესი უფრო მეტად გამძაფრდეს. აქედან გამომდინარე, ერთ-ერთი მთავარი მიზანი და მისია იქნება, რომ კონსტიტუციურ ჩარჩოში დავაბრუნოთ პრეზიდენტის ინსტიტუტი. ჩვენ გვაქვს ძალიან გამართული კონსტიტუცია და ძალიან საპასუხისმგებლო პრეზიდენტის ინსტიტუტი. და ყველაზე მთავარი მოცემულობა არის, რომ სწორედ ზეპარტიული, საზოგადოების გამაერთიანებელი უნდა იყოს საქართველოს პრეზიდენტი.

საქართველოში ქართველებს არ გვესწავლება, რომ სიძულვილი ნამდვილად ყოფს და აპირისპირებს ადამიანებს, ამის საპირისპიროდ, სიყვარული გამაერთიანებელი.

მე გულწრფელად მინდა გითხრათ, მკაფიოდ და დაგპირდეთ, ნამდვილად მიყვარს, უსაზღვროდ მიყვარს ჩემი სამშობლო და ჩემი ქვეყანა და ყველაფერს გავაკეთებ იმისთვის, რომ საქართველოს საზოგადოების გაერთიანებისთვის ჩვენი ეროვნული ინტერესები, ჩვენი იდენტობა, ჩვენი ღირებულებები საქართველოს დამოუკიდებლობის იდეის ირგვლივ გავაერთიანოთ საზოგადოება, დარწმუნებული ვარ საზოგადოება მხარს დაგვიჭერს და უფრო მეტად ძლიერს გავხდით ჩვენს სამშობლოს. ღმერთი იყოს ჩვენი მფარველი, ფარავდეს უფალი ჩვენს ქვეყანას.

ბოლო ამბები:

მიხეილ ყაველაშვილი ყაველაშვილი: ამაყი ვარ, რომ ასეთ რთულ ეპოქაში ბატონ ივანიშვილთან ერთად ვიცავ ქვეყანას

კომენტარები

კვირის ტოპ-5

გირჩევთ

ახლა კითხულობენ

კვლევის თანახმად, ტესტოსტერონის დაბალი დონე კიბოს განვითარების მომატებულ რისკთანაა დაკავშირებული