NATO-ს ყველა მოკავშირის მთავარი პრიორიტეტი ჩვენი საერთო თავდაცვის გაძლიერებაა — განაცხადა NATO-ს გენერალურ მდივანთან, მარკ რუტესთან შეხვედრის შემდეგ საბერძნეთის პრემიერმინისტრმა, კირიაკოს მიცოტაკისმა. მათი შეხვედრა ათენში შედგა.

"ჩვენ ყველა მოკავშირის ერთ-ერთ მთავარი პრიორიტეტის, ჩვენი საერთო თავდაცვის გაძლიერების აუცილებლობის შესახებ შევთანხმდით. აღნიშნული მიზანი ძლიერ თავდაცვის ინდუსტრიასა და მნიშვნელოვან ინვესტიციებს მოითხოვს, ასევე, ევროკავშირსა და ნატო-ს შორის უფრო ეფექტურ თანამშრომლობას", — განაცხადა მიცოტაკისმა.

საბერძნეთის პრემიერმინისტრმა დასძინა, რომ უნდა გაგრძელდეს უკრაინის მხარდაჭერაც.

რუტემ ასევე შეაქო საბერძნეთი უკრაინელი მფრინავების სწავლების დროს დახმარებისთვის.

"ასევე, ჩვენ შეკავება და თავდაცვა უნდა გავაძლიეროთ, მათ შორის, თავდაცვის სფეროში ინვესტიციებისა და წარმოების გაზრდით. სასიხარულო ამბავი ის არის, რომ ნატო-ს სახით ალიანსი გვაქვს, რომელიც ჩვენი ტერიტორიების ყოველი სანტიმეტრის დასაცავად გვჭირდება", — აღნიშნა NATO-ს გენერალურმა მდივანმა.