ძლიერი საქართველო — ლელო ხალხისთვის აჭარის ორგანიზაციის ლიდერმა, თედო თებიძემ დღევანდელ ბრიფინგზე განაცხადა, რომ პარტია აჭარის უმაღლეს საბჭოში საარჩევნო სიას ხსნის და დასძინა, რომ ქართულმა ოცნებამ არჩევნები მოიპარა.

თებიძეს თქმით, მათი პარტია ქართულ ოცნებას ლეგიტიმაციას არ მისცემს და ტოვებს მათ "ნაქურდალ მანდატებთან ერთად".

"ძლიერი საქართველოს შემადგენლობაში შემავალ კოალიციამ მიიღო გადაწყვეტილება სიების ჩახსნასთან დაკავშირებით. ეს ეხება არამარტო საქართველოს პარლამენტს, ასევე ეხება აჭარის უმაღლეს საბჭოსაც. მას შემდეგ, რაც ქართულმა ოცნებამ არჩევნები გააყალბა, ჩვენი კოალიცია ერთ-ერთი პირველი იყო, რომელმაც თქვა, რომ ამ თამაშში და დიდ ქურდობაში მონაწილეობას არ მიიღებდა. არ მივცემდით ლეგიტიმაციას ქართულ ოცნებას. ჩვენ ვტოვებთ ქართულ ოცნებას მარტო თავის ნაქურდალ მანდატებთან ერთად, რა თქმა უნდა მივაღწევთ იმ საწადელს, რაც ჰქვია ამ ქვეყნის განვითარება და დემოკრატიისკენ სვლა", — აცხადებს გენო თებიძე

აჭარის უმაღლესი საარჩევნო კომისიის მიერ გავრცელებული ინფორმაციით, აჭარის უმაღლესი საბჭოს წევრებად არჩეული არიან: ქართული ოცნება — 13 წევრი, ერთიანობა-ნაციონალური მოძრაობა — 4, გახარია-საქართველოსთვის — 2, კოალიცია ცვლილებებისთვის გვარამია მელია გირჩი დროა — 1 და ძლიერი საქართველო—ლელო, ხალხისთვის, თავისუფლებისთვის — 1 წევრი.