IRI-ის პრეზიდენტმა, დენიელ ტვინინგმა საქართველოს 2024 წლის 26 ოქტომბრის არჩევნებსა და კენჭისყრის დღეს გამოკვეთილი დარღვევების შესახებ ყოფილ ამერიკელ კონგრესმენთან, ჯონ შიმკუსთან ერთად პოდკასტში ისაუბრა.

საუბრისას ტვინინგმა აღნიშნა, რომ რუსეთის მავნე გავლენა დაიხვეწა, ხოლო "საქართველოში, ისევე როგორც მოლდოვაში, რუსეთის ძალიან აქტიური ჩარევა შეიმჩნევა".

მისივე თქმით, 26 ოქტომბრის არჩევნებზე მმართველმა პარტიამ "სახელმწიფო ძალაუფლების, სისტემური დაშინების და შევიწროების" ყველა ფორმა გამოიყენა იმისთვის, რომ სასურველი შედეგები მიეღო.

IRI-ის პრეზიდენტი ასევე აღნიშნავს, რომ საქართველოს საპარლამენტო "სახელმწიფო ძალაუფლების ინსტრუმენტების გამოყენების მმართველი პარტიის დღის წესრიგის ხელშეწყობა ხდებოდა".

"ერთ-ერთ პრობლემას წარმოადგენს, რომ ქვეყანა უკან იხევს დემოკრატიის კუთხით და სახელმწიფოს მიტაცებით.

როცა მმართველი პარტია კონტროლს ამყარებს ყველა დამოუკიდებელ სახელმწიფო ინსტიტუციაზე — ეს ეხება არამხოლოდ აღმასრულებელ ფრთას, ასევე საარჩევნო კომისიას, სასამართლოებს, ეს ასევე მოიცავსმედია სივრცის დიდ ნაწილსაც.

სახელმწიფოსა და პარტიას შორის უნდა არსებობდეს გარკვეული მიჯნა.

მე და კონგრესმენი შიმკუსი გავხდით მოწმეები, რომ საქართველოში სახელმწიფო ძალაუფლების ინსტრუმენტების გამოყენებით ხდებოდა მმართველი პარტიის დღის წესრიგის ხელშეწყობა.

არ იყო დაყოფა სახელმწიფო ინსტიტუტების ლიდერებსა და პარტიებს შორის.

IRI-ს გამოკითხვის მიხედვით, საქართველოს მოსახლეობის 90%-ს სურს ქვეყანა გახდეს ევროკავშირის წევრი.

ეს ძალიან ევროპული ქვეყანაა — ეს არ არის ქვეყანა, სადაც საზოგადოება გაყოფილია, სადაც მოსახლეობის ნახევარი რუსეთისკენ მიისწრაფვის, ხოლო მეორე ნახევარი ევროპისკენ, მაგრამ ამ არჩევნებზე ვნახეთ მმართველი პარტიის მხრიდან დიდი ძალისხმევა იმისთვის, რომ გამოეყენებინათ სახელმწიფო ძალაუფლების ყველა ფორმა, ასევე სისტემური დაშინება და შევიწროება, რომ მიეღოთ შედეგები, რომელიც ვნახეთ.

შესაბამისად, კითხვა მდგომარეობს შემდეგში — იყო თუ არა ეს არჩევნები დემოკრატიული, სანდო და ლეგიტიმური?

ბევრი ქართველი გეტყვით, რომ არა.

ჩვენ ვნახეთ, რომ საქართველოში, ისევე როგორც მოლდოვაში არსებობს რუსეთის ძალიან აქტიური ხელი.

რუსეთის მავნე გავლენა ძალიან დაიხვეწა - ეს გულისხმობს საინფორმაციო ოპერაციებს, სოციალური ქსელების ოპერაციებს, თვალთვალის სხვადასხვა ფორმას - არსებობს ინსტრუმენტების კომპლექტი, რომლებსაც ავტორიტარული რეჟიმები არჩევნების შედეგების მანიპულირებისთვის იყენებენ.

რუსეთი ჩაერია ძალიან აქტიურად - ბანდიტური ქმედებები, დამოკიდებულება, რომელიც ადგილზე ვნახეთ, მსგავსს რუსეთში ნახავდით 10-15 წლის წინ, როდესაც პუტინი, ამ მოდელს აუმჯობესებდა", — თქვა ტვინინგმა. (ტაბულას თარგმანი)