ამერიკელი მაღალჩინოსნების 19 ნოემბრის განცხადებით, პენტაგონი უკრაინას, სულ მცირე, 275 მილიონი დოლარის ღირებულების საბრძოლო მასალებით დაეხმარება.

უკრაინას აღნიშნული სამხედრო დახმარების პაკეტი საპრეზიდენტო შემცირების უფლებამოსილების (PDA) მეშვეობით გადაეცემა, რაც ნიშნავს, რომ აშშ-ის იარაღის მარაგებიდან გამოეყოფა შეიარაღება და უკრაინას უფრო სწრაფად გადაეცემა, ვიდრე უკრაინის უსაფრთხოების დახმარების ინიციატივით (USAI) გაწეული დახმარება.

Fox News-სთან ინტერვიუში ამერიკელმა მაღალჩინოსანმა განაცხადა, რომ დახმარების ეს პაკეტი მოიცავს HIMAR-ის სისტემებს, 155-მმ-იან საარტილერიო ჭურვებს, დრონებსა და ჯაველინების რაკეტებს.

დახმარების პაკეტში HIMARS-ების საბრძოლო მასალები არ შედის.

შეერთებული შტატების მხრიდან ამ პაკეტის დაანონსების შემდეგ, ამერიკას უკრაინის დასახმარებლად PDA-იდან $6.9 მილიარდი, ხოლო USAI-დან $2.21 მილიარდი დარჩება.

ამასთან, ცოტა ხნით ადრე Reuters-თან საუბრისას ამერიკელმა მაღალჩინოსანმა განაცხადა, რომ აშშ-ის პრეზიდენტმა, ჯო ბაიდენმა უკრაინისთვის ქვეითთა საწინააღმდეგო ნაღმების მიწოდება დაამტკიცა.