Reuters-ის მიერ გავრცელებული ინფორმაციით, ბრაზილიის პოლიციამ სახელმწიფო გადატრიალებისა და პრეზიდენტის მკვლელობის მცდელობის ბრალდებით ხუთი პირი დააკავა.

"გამოვლენილია დეტალური გეგმა სახელწოდებით "მწვანე და ყვითელი ხანჯალი", რომელიც უნდა შესრულებულიყო 2022 წლის 15 დეკემბერს", — აცხადებს ბრაზილიის პოლიცია.

მათივე ცნობით, ოპერაციის სამიზნეები იყვნენ 2022 წლის ბრაზილიის საპრეზიდენტო არჩევნებში გამარჯვებული პრეზიდენტი, ლუის ანასიო ლულა და სილვა და ვიცე-პრეზიდენტი ჯერალდო ალკმინი.

ამასთან, ვრცელდება ინფორმაცია, რომ დაკავებულთა უმეტესობა სამხედრო მოსამსახურეა, რომელთაც სპეციალური სამხედრო მომზადება აქვთ გავლილი.