თანამშრომლობისა და სტრატეგიული პარტნიორობის შეთანხმების ფარგლებში რუსეთი აფხაზეთის დეფაქტო ხელისუფლებას სამხედრო ქონებას გადასცემს. ამის შესახებ ინფორმაცია რუსეთის თავდაცვის სამინისტრომ გაავრცელა:

"ხელი მოეწერა დოკუმენტს აფხაზეთის მხარისთვის სამხედრო ქონების გადაცემის შესახებ. აღნიშნული სამუშაო რუსეთის ფედერაციასა და აფხაზეთის რესპუბლიკას შორის 2014 წლის 23 ნოემბრიდან თანამშრომლობისა და სტრატეგიული პარტნიორობის შეთანხმების ფარგლებში ტარდება, რომელიც აფხაზეთის სამხედრო მოდერნიზაციას ითვალისწინებს".

სამხედრო ქონების გადაცემის შესახებ დოკუმენტს ხელი მოაწერეს რუსეთის თავდაცვის მინისტრმა და აფხაზეთის თავდაცვის დე ფაქტო მინისტრმა. როგორც რუსეთის უწყება წერს, შეხვედრის დროს განიხილებოდა რუსეთ-აფხაზეთის სამხედრო თანამშრომლობის პერსპექტივები, ასევე, ისეთი აქტუალური საკითხები როგორიცაა, აფხაზეთის ტერიტორიაზე რუსული სამხედრო ბაზის ფუნქციონირება და რუსეთ-აფხაზეთის გაერთიანებული სამხედრო დანაყოფების შექმნა.