ორშაბათს ფოქსმა ინსტაგრამზე გააზიარა, რომ ის მეოთხე შვილზეა ორსულად, მისი ამჟამინდელი პარტნიორისგან, რეპერ Machine Gun Kelly-სგან. ცნობისთვის, ფოქსს სამი ვაჟი ჰყავს ყოფილ ქმართან, ბრაიან ოსტინ გრინთან. მისი პარტნიორი MGK კი ქალიშვილის მამაა, თუმცა მეგანს და Machine Gun Kelly-ს საერთო შვილი ჯერ არ ჰყავთ.

"ნამდვილად არაფერი არის დაკარგული. კეთილი იყოს შენი მობრძანება" — დაწერა ფოქსმა სოციალურ ქსელში. ტექსტს ანგელოზისა და გულის ემოჯიც დაურთო. ცნობისთვის, ტექსტი MGK-ს სიმღერიდანაა, last november, რომელიც მომღერალმა მეგანის წინა ფეხმძიმობის სამწუხარო და უდროო შეწყვეტას მიუძღვნა. მეგანმა ორსულობის შეწყვეტის გამოცდილებაზე პოეტურ კრებულში ისაუბრა. ცნობისთვის, ფოქსმა 2023 წელს პირველი პოეტური კრებული სახელად Pretty Boys Are Poisonous გამოსცა, რომელშიც წარსულის ტრავმულ გამოცდილებებზე ისაუბრა, მათ შორის, ორსულობის შეწყვეტასა და ფიზიკურ ძალადობაზე.

წყვილმა ერთმანეთი 2021 წლის ფილმის, Midnight in the Switchgrass-ის, გადასაღებ მოედანზე გაიცნო და როგორც ამბობენ, ერთმანეთთან ძლიერი კავშირი შეხვედრისთანავე იგრძნეს. როგორც მეგანი ამბობს, თავიდანვე იცოდა, რომ MGK მისი სულის ნაწილი იყო. მოგვიანებით 2022 წელს კი წყვილმა საზოგადოებას ნიშნობის შესახებ განუცხადა.