ესპრესოს ავტორმა პარასკევს ინსტაგრამზე გააზიარა ვიდეო, სადაც გრემის 2025 წლის ნომინანტთა სიის გამოცხადებას ტურის ავტობუსში მეგობრებთან ერთად უყურებს.

ყველა აღფრთოვანდა როცა გაიგეს, რომ კარპენტერი საუკეთესო პოპ სოლო შესრულების, საუკეთესო ახალი შემსრულებლის, წლის სიმღერისა და წლის ჩანაწერის კატეგორიებშია ნომინირებული. თუმცა ეს ნომინაციების სრული სია არაა, საბრინას მეექვსე სტუდიური ალბომი, Short n' Sweet, ნომინირებულია წლის ალბომის კატეგორიაში ბიონსეს Cowboy Carter-თან და ტეილორ სვიფტის The Tortured Poets Department-თან ერთად. კარპენტერმა ამის გაგების შემდეგ ბედნიერების ცრემლები ვეღარ შეიკავა.

"ეს არის პირველი წელი, როცა ნომინანტების გამოცხადებას პირდაპირ ეთერში ვუყურებ და ჩემი სახელი გავიგე! მოვიტყუები, თუ ვიტყვი, რომ ამ დღეზე მთელი ცხოვრება არ ვოცნებობდი, ამიტომ მადლიერებით ვარ სავსე - გმადლობთ!" — დაწერა კარპენტერმა სოციალურ ქსელზე

მიუხედავად იმისა, რომ საბრინა საუკეთესო ახალი შემსრულებლის კატეგორიაშია ნომინირებული, მომღერალი მუსიკალურ ინდუსტრიაში ათი წელია მოღვაწეობს. კარპენტერმა სადებიუტო ალბომი, Eyes Wide Open, 2015 წელს გამოუშვა.

"მე საუკეთესო ძველი არტისტი ვარ… მე ადრეც აქ ვიყავი" — იხუმრა კარპენტერმა

ცნობისთვის, წელს ერთდროულად რამოდენიმე კატეგორიაში საბრინას გარდა, მისი თანამემამულე შაპელ როუნიცაა ნომინირებული.