72 წლის შემდეგ ამერიკული კრეისერ ინდიანაპოლისის ნარჩენები წყნარ ოკეანეში აღმოაჩინეს. გემი 5,5 კმ-ის სიღრმეზე იპოვეს, თუმცა ზუსტად ადგილს არ ახმაურებენ.

ინდიანაპოლისი 1945 წლის 30 ივლისს ჩაიძირა, როდესაც ბირთვული იარაღის ნაწილების გადატანის საიდუმლო დავალებიდან ბრუნდებოდა, მას თავს იაპონელები დაესხნენ. სწორედ ეს ბირთვული იარაღი გამოიყენა აშშ-მ ჰიროსიმას დასაბომბად 1945 წლის 6 აგვისტოს.

გემზე დაახლოებით 1200 სამხედრო იმყოფებოდა, აქედან მხოლოდ 316-ის გადარჩენა მოხერხდა.

ინდიანაპოლისის ეკიპაჟის ნაწილი, 1945 წლის ივლისი

ფოტო: Getty Image

ინდიანაპოლისს თავს იაპონური წყალქვეშა ნავი დაესხა. გემი ძალიან მალე - 12 წუთში ჩაიძირა. ამის გამო კრეისერის ადგილსამყოფელი წლების განმავლობაში უცნობი იყო.

იმის გამო, რომ ამერიკელმა სამხედროებმა სამაშველო სიგნალი არ გაუშვეს, გადარჩენილები ინციდენტიდან მხოლოდ მეოთხე დღეს იპოვეს.

გემი თავისი ბოლო მისიით, ბიჭუნათი გახდა ცნობილი. საიდუმლო დავალების თანახმად, ინდიანაპოლისს კუნძულ ტინიანზე, სადაც აშშ-ის სამხედრო ბაზა იყო განთავსებული, ბირთვული იარაღის შემადგენელი ნაწილები უნდა მიეტანა.